साविककाे चिर्तुङ्गधारा गाउँ विकास समितिलाइ बगनासकाली गाँउपालिकाकाे वार्ड नं. १ का रुपमा भाैगाेलिक विभाजन गरिएकाे छ । तानसेन नगरपालिकासँग जाेडिएकाे याे वडालाइ सिद्धार्थ राजमार्गले छाेएर गएकाे छ । 

चिर्तुङ्ग शब्द मगर भाषाबाट आएकाे पाइन्छ । केही समयअघिसम्म चिर अर्थात चट्याङ्ग परेकाे ढुङ्गा धारा नजिक थियाे । बाटाे बनाउने क्रममा साे ढुङ्गा मासिएकाे बताइन्छ । साेही ढुङ्गा नजिक मूलपानीकाे धारा रहेकाे छ । त्यसैले साे ठाउँलाइ चिर्तुङ्गधारा भनिएकाे हाे । चिर भनेकाे चट्याङ्ग र तुङकाे अर्थ मगर भाषामा नजिकै भन्ने जनाउँछ । चिर परेकाे नजिकैकाे धारा भएकाले चिरतुङधारा भन्दाभन्दै चिर्तुङ्ग भन्न थालिएकाे स्थानीय पाका मानिस बताउँछन् ।

यस वडा भित्र भलुवाचाैर, काफलताेष, काेठीचाैर, चिलाङ्गदि भैरव, कुमाले भिर, कालिका, वेलानी चाैर ढुङ्गाखानी र हुमिन्द्रेगैरा मुर्लेखोला आदि सामुदायिक वनहरुरहेका छन् । अधिकांश भूभाग दक्षिणी माेहडामा पर्ने यहाँका वनहरुमा विशेष गरि खाेटेसल्ला, लाकुरी, चिलाउने, टुनी र कटुश आदिका प्रजातीहरु पाइन्छन् । यहाँका सबै सामुदायिक वनहरु २०३८।३९ सालतिर तिनाउ जलाधार संरक्षण आयाेजनाले राता नाङ्गा डाँडाहरुमा वृक्षाराेपण गरि हुर्काइएका हुन् । यी वनहरुलाइ स्थानीय जनताले लाैरे पालाे लगाइ संरक्षण गरेर सामुदायिक वन वनाइएका हुन् ।